Këmbë Pate – Petullat Unike të Traditës Çame
Një recetë e veçantë, që ka kaluar brez pas brezi në shumë familje çame – Këmbët e Patës. Jo vetëm emri i veçantë, por edhe shija e këtyre petullave të skuqura me sherbet të lehtë do t’ju sjellë menjëherë kujtimet e shtëpisë dhe të gatimeve të gjyshes.
Përbërësit:
- 200 gr miell
- 2 vezë
- 1 gotë sheqer
- 1 gotë vaj (për brumin)
- Vaj për skuqje
- Ujë dhe sheqer për sherbetin
Si përgatiten:
- Rrihni vezët me vajin, më pas shtoni miellin e situr. Punoni brumin dhe lëreni të pushojë për 2 orë.
- Pasi brumi është gati, ndajeni në toptha, hapeni në formë pete të trashë dhe priteni në katrorë.
- Secilin katror mblidheni nga një cep për të krijuar “këmbën e patës”.
- Skuqini derisa të marrin ngjyrë të artë.
- Përgatisni një sherbet të hollë me ujë dhe sheqer dhe zhytni petullat e ngrohta në të.
Tradita çame nuk është vetëm histori – është edhe aromë, shije dhe kujtime që gatuhen me dashuri. /AgroWeb
