Kllogjer, 28 qershor 2025 – Sot, në kuadër të aktiviteteve përkujtimore për viktimat e genocidit grek ndaj shqiptarëve të Çamërisë, Fondacioni Çamëria “Hasan Tahsini” zhvilloi një ceremoni nderimi pranë Varrezave “Trëndafilat e Çamërisë” në Kllogjer, ku u përkujtua me respekt kujtimi i të rënëve.

Aktiviteti u organizua me ftesë të Bashkisë Konispol, duke dëshmuar një angazhim të fortë institucional për ruajtjen e kujtesës historike dhe identitetit çam. Ceremonia u përqafua nga qindra qytetarë nga zona të ndryshme të vendit, të cilët morën pjesë në këtë pelegrinazh simbolik për të nderuar të parët dhe për të mbajtur gjallë kujtimin e viktimave të pafajshme të shpërnguljes dhe dhunës sistematike që përjetoi popullsia çame.

Ky aktivitet përkujtimor shënon një moment reflektimi dhe bashkimi për komunitetin çam dhe të gjithë shqiptarët, duke riafirmuar nevojën për drejtësi dhe njohje ndërkombëtare të genocidit të kryer ndaj shqiptarëve të Çamërisë.

camiko.al