Supë me Tumaca të Çamërisë

Një recetë e thjeshtë dhe e pasur me shije tradicionale, që kombinon ëmbëlsinë natyrale të perimeve me butësinë e tumacave të Çamërisë. E trashur me vezë dhe e aromatizuar me limon e vaj ulliri, kjo supë sjell ngrohtësi dhe shije të thella.

Përbërësit (për 4 persona)
• 1/2 qepë mesatare, e grirë hollë
• 1 karrotë e grirë në rende
• 2 kungulleshka mesatare, të grira në rende
• 150 g tumaca të Çamërisë
• 1 vezë fshati
• Lëngu i 1 limoni
• 4 lugë gjelle vaj ulliri ekstra i virgjër
• 1.5 l lëng perimesh ose ujë
• Kripë dhe piper sipas shijes

Përgatitja
1. Kaurdisja e qepës – Në një tenxhere, ngrohim vajin e ullirit dhe kaurdisim qepët në zjarr të ulët derisa të bëhen të buta dhe të artë.
2. Shtojmë karrotat dhe kungulleshkat e grira dhe i përziejmë mirë për disa minuta, derisa të zbuten.
3. Shtojmë lëngun e perimeve (ose ujin) dhe lëre të ziejë për 10 minuta.
4. Shtojmë tumacat e Çamërisë (makarona)! në supë dhe i lemë të ziejnë derisa të zbuten, duke e përzier herë pas here.
5. Në një enë të vogël, rrahim vezën me lëngun e limonit dhe pak vaj ulliri. Marrim pak nga lëngu i supës dhe përziejmë me vezën, pastaj e shtojml gradualisht në tenxhere duke e përzier shpejt që të mos pritet.
6. Rregullo kripën dhe piperin ose kopët sipas shijes. Lemë supën në zjarr të ulët për 1-2 minuta pa e zier më.
7. Shërbejmë supën e ngrohtë me pak vaj ulliri ekstra sipër.